<  Test vom 11. 1. 2024 (Inst. 2,12, gekürzt und leicht geändert) ^   >


1) Testamentum facere non possunt impuberes, quia nullum eorum animi iudicium est.    (Ü)   

2) Item furiosi, quia mente carent.    (Ü)   

3) Nec ad rem pertinet, si impubes postea pubes factus fuerit et decesserit.    (Ü)   

4) Furiosi autem, si per id tempus fecerint testamentum, quo furor eorum intermissus est, iure testati esse videntur.    (Ü)   

5) Item mutus et surdus non semper facere testamentum possunt.    (Ü)   

6) Utique autem de eo surdo loquimur, qui omnino non exaudit, non qui tarde exaudit.    (Ü)   

7) Nam et mutus is intellegitur, qui eloqui nihil potest, non qui tarde loquitur.    (Ü)   

8) Sed si quis post testamentum factum valetudine aut quolibet alio casu mutus aut surdus esse coeperit, ratum eius remanet testamentum.    (Ü)   

URL dieses Dokuments: latein.univie.ac.at/iustest.php?test=2044 (Favorit)
URL (Link) aller in den Fenstern gezeigten Dokumente (Favorit)
Zur Lateinhomepage
Seiten erstellt und betreut von Clemens Weidmann
Letzte Änderung: 9. 4. 2025