Evangelische Theologie (Ü) ^
Doctorandi reverendi !
Dissertatione composita nos adistis, ut vos eo honore, quem appetistis, in hoc sollemni consessu ornemus.
Sed prius fides est danda, vos tales semper futuros, quales vos esse iubebit dignitas et nos speramus vos fore.
Spondebitis igitur:
- Primum, vos huius universitatis, in qua summum in theologia evangelica gradum ascenderitis, piam perpetuo memoriam habituros eiusque res ac rationes, quoad poteritis, adiuturos;
- Dein honorem eum, quem in vos collaturus sum, integrum incolumemque servaturos vitamque theologi christiano dignam semper acturos;
- Postremo, theologiae studia assiduo et impigro labore culturos et provecturos, quo magis veritas evangelica cognoscatur et lux eius, qua salus humani generis continetur, clarius effulgeat.
Haec vos ex animi vestri sententia spondebitis ac pollicebimini !
Itaque iam nihil impedit, quominus honores, quos obtinere cupitis, vobis impertiamus.
Ergo ego, N. N., promotor legitime constitutus vos N. N., ... ex decreto ordinis mei theologiae evangelicae doctores creo, creatos renuntio omniaque theologiae doctorum iura ac privilegia in vos confero in eiusque rei fidem haec diplomata universitatis sigillo insignita vobis in manus trado.